site
stats
پاکستان

کراچی: بجلی کی طویل لوڈشیڈنگ: میتوں کو غسل دینے میں پریشانی

کراچی: گرمی اور طویل لوڈشیڈنگ کے باعث ایدھی سرد خانے میں پانی کی قلت پیدا ہوگئی جس کی وجہ سے میتوں کو غسل دینے میں شدید پریشانی کا سامنا ہے،  یکم رمضان سے آج تک 150 میتیں ایدھی سرد خانے لائی گئیں۔

نمائندہ اے آر وائی رافع حسین کے مطابق گرمی کے ستائے شہری اپنے پیاروں کی میتوں کو محفوظ رکھنے کے لیے ایدھی سرد خانے کا رخ کرتے ہیں تاہم کے الیکٹرک کی غیراعلانیہ لوڈشیڈنگ اور طویل بریک ڈاؤن کے باعث ایدھی سرد خانےمیں پانی کی شدید قلت پیدا ہوگئی۔

کراچی کے مختلف علاقوں سے پانچ روز میں 150 سے میتیں ایدھی سرد خانے لائی گئی ہیں، ایدھی زرئع کے مطابق لوگ پانی کی کمی کے باعث غسل کے لیے میتیں لارہے ہیں تاہم بجلی کی غیر اعلانیہ بندش کی وجہ سے ہمیں بھی پانی کی قلت کا سامنا ہے۔

ایدھی فاؤنڈیشن کے سربراہ نے اے آر وائی سے گفتگو کرتے ہوئے کہا کہ بجلی کی لوڈشیڈنگ سے پانی کی قلت کا سامنا ہے، پانی نہ ہونے سے میتوں کو غسل دینے میں دشواری کا سامنا ہے۔

انہوں نے کہا کہ کے الیکٹرک کافی عرصے سے دعویٰ کررہی ہے کہ لوڈشیڈنگ ختم ہوگئی مگر صورتحال دن بہ دن بدتر ہوتی جارہی ہے، غیر اعلانیہ لوڈشیڈنگ کے باعث جنریٹرز بھی جواب دے جاتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top