کراچی کے علاقہ کورنگی زمان ٹاؤن سے مقابلے میں زخمی ڈاکو انتہائی مطلوب نکلا۔
پولیس کے مطابق ڈاکو نے 19 جون کو مزاحمت پر ظفر نامی شہری کو قتل کیا، ملزم نے ساتھیوں کے ہمراہ گیس سلنڈر کی دکان پر واردت کی تھی۔
پولیس کے مطابق ملزم کے دو ساتھی مقتول کے بیٹے کی فائرنگ سے زخمی ہوئے تھے، ملزمان کی فائرنگ سے گرفتار ملزم وہاب بھی زخمی ہوا تھا، وہاب کی نشاندہی پر زخمی ڈاکوؤں کو جناح اسپتال سے گرفتار کیا گیا تھا۔
- Advertisement -
پولیس نے مزید بتایا کہ زخمی ڈاکو عرفان عرف کالا لوٹ مار کی متعدد وارداتوں میں ملوث تھا، ملزم کا مزید کرمنل ریکارڈ چیک کیا جا رہا ہے۔
