کراچی: ناظم جوکھیو قتل کیس کی ابتدائی پوسٹ مارٹم رپورٹ تیار کرلی گئی۔
اے آر وائی نیوز کے مطابق ناظم جوکھیو قتل کیس کی ابتدائی پوسٹ مارٹم رپورٹ سامنے آگئی جس میں ڈاکٹرز نے پولیس حکام کو ابتدائی طور پر موت کی وجہ بتادی۔
ابتدائی پوسٹ مارٹم رپورٹ میں بتایا گیا ہے کہ ناظم جوکھیو کے جسم پر جابجا تشدد کے نشانات موجود ہیں، سر کے پچھلے حصے میں بھی چوٹ کے نشانات ہیں۔
رپورٹ میں کہا گیا ہے کہ ناظم جوکھیو کے سر کے پچھلے حصے پر خون کا لوتھڑا جمع ہوا ہے، ایسا لگتا ہے کہ ان کی موت سر پر ڈنڈا لگنے سے ہوئی ہے۔
مزید پڑھیں: ناظم جوکھیو قتل کیس : شکار کھیلنے والے 2غیر ملکی بھی ملزمان کی فہرست میں شامل
ڈاکٹرز نے پولیس حکام کو بتایا کہ حتمی وجہ موت قرار دینے کے لیے کیمیکل اور پیتھالوجیکل رپورٹس کا انتظار ہے۔
ڈاکٹرز کا کہنا ہے کہ کیمیکل اور پیتھالوجیکل نمونے کراچی یونیورسٹی بھیجے گئے ہیں، رپورٹس آنے کے بعد حتمی طور پر رپورٹ جاری کردی جائے گی۔
خیال رہے کہ ناظم جوکھیو قتل کیس میں پاکستان پیپلز پارٹی کے رکن سندھ اسمبلی جام اویس بھی زیر حراست ہیں۔
