کراچی : نامعلوم افراد نے گاڑی پر فائرنگ کرکے فارماسوٹیکل کمپنی کے افسر کو زخمی کردیا، زخمی شہری نے بتایا کمپنی کے کچھ ملازمین کی نوکری سے برطرفی کے بعد تنازعے چل رہے تھے۔
تفصیلات کے مطابق کراچی کے علاقے صدر میں فائرنگ کا واقعہ پیش آیا ، جہاں نامعلوم افراد نے گاڑی پرفائرنگ کردی ، جس کے نتیجے میں فارماسوٹیکل کمپنی کا افسر زخمی ہوگیا۔
پولیس کا کہنا ہے کہ زخمی کی شناخت ناصر کے نام سے ہوئی ہے , زخمی شہری نے پولیس کو بتایا کہ ایک شخص پیدل چلتا ہوا ایا اور گاڑی پر فائرنگ کرکےچلاگیا۔
ناصر نے مزید بتایا کہ اس سے چھینا چھپٹی کی کوشش نہیں کی گئی، میں نے کمپنی کے کچھ ملازمین کو نوکری سے برطرف کیا تھا جس کے بعد کئی ملازمین سے تنازع چل رہے تھے،
پولیس نے زخمی شہری کا بیان ریکارڈ کرکے واقعے کی تحقیقات شروع کر دی ہیں۔
Comments
- Advertisement -