کراچی: کورنگی مدینہ کالونی میں غیرت کے نام پر نوجوان کو قتل کردیا گیا تاہم پولیس نے قتل میں ملوث میاں اوربیوی کوگرفتارکرلیا ہے.
تفصیلات کے مطابق پولیس نے کراچی کےعلاقے کورنگی مدینہ کالونی میں شہری ارسلان کے قتل میں ملوث میاں اوربیوی کوگرفتارکرلیا۔
ایس ایس پی کورنگی توحید رحمان نے بتایا کہ ارسلان کو گزشتہ روز غیرت کے نام پر قتل کیا گیاتھا، مقتول کی ملزمہ سے دوستی تھی۔
- Advertisement -
توحید رحمان کا کہنا تھا کہ گزشتہ روز دونوں ساتھ تھے تو ملزمہ کے شوہر نے ارسلان کوچھرامارا، جس کے بعد خاتون اسے اسپتال لےکرگئی اور چھوڑکر فرار ہوگئی۔
پولیس کا کہنا ہے کہ آلہ قتل بھی برآمدکرلیا ہے اور دونوں سے مزید تفتیش جاری ہے۔
