کراچی : محرم الحرام کے دوران امن وامان برقراررکھنے کیلئے سکیورٹی اداروں نے کمرکس لی، رات گئے سرچ آپریشن کے دوران بیس مشتبہ افراد کو گرفتار کرلیا گیا.
محرم الحرام کے دوران امن و امان کو یقینی بنانے کے لیے قانون نافذ کرنے والے ادارے متحرک ہے، جرائم پیشہ عناصر کی سرکوبی کیلئے سرچ آپریشن اور گرفتاریاں جاری ہے.
رات گئے صدر اور آرام باغ میں محرم الحرام کے جلوس کے راستوں میں آنے والے مسافرخانوں، بس اڈوں اور عمارتوں میں سرچ آپریشن کیا گیا، پولیس کے مطابق آپریشن جرائم پیشہ افراد کی موجودگی کی اطلاع پر کیا گیا جبکہ بیس مشتبہ افراد کو حراست میں لے لیاگیاہے۔
پولیس کی بھاری نفری نے آپریشن میں حصہ لیا اور مسافر خانوں میں موجود افراد کی تلاشی لی اور ان کے کوائف معلوم کئے جبکہ حراست میں لئے گئے افراد کے پاس شناختی کارڈ نہ ہونے کے باعث مزید تفتیش کی جارہی ہے.
