کراچی میں اورنگی پولیس نے معصوم بچے کو قتل اور ماں بیٹی کا گلا کاٹنے کے ملزم سمیر علی کو گرفتار کر لیا۔
زخمی خاتون کے بیان کے مطابق شوہر کی غیر موجودگی میں شوہر کا ماموں زاد بھائی ملزم سمیر گھر آیا، ملزم نے خاتون سے زیادتی کی کوشش کی اور مزاحمت کرنے پر استری سے چہرے اور گردن پر وار کیے جس سے خاتون شدید زخمی ہوگئی۔
زخمی خاتون نے پولیس کو دیے گئے بیان میں کہا کہ ملزم نے استری سے خاتون کی بیٹی اور بیٹے کے سر اور گلے پر بھی وار کیے اور موقع سے فرار ہوگیا۔
- Advertisement -
پولیس کا کہنا ہے کہ زخمی بچہ سبحان دوران علاج انتقال کر گیا جبکہ گرفتار ملزم سے تفتیش شروع کردی گئی ہے۔
