کراچی : دوران پرواز مسافر اچانک طبعیت خراب ہونے کے باعث انتقال کر گیا، جس کے باعث غیرملکی طیارے کو کراچی ایئرپورٹ پر ہنگامی لینڈنگ کرنا پڑی۔
تفصیلات کے مطابقغیرملکی ایئرلائن کی پرواز میں مسافر کی طبعیت خراب ہوگئی ، ۔ پرواز کے پائلٹ نے اے ٹی سی سے کراچی ایئرپورٹ پر ہنگامی لینڈنگ کی اجازت مانگی۔
کلیئرنس ملنے کے بعد پرواز نے کراچی ایئرپورٹ پر ہنگامی لینڈنگ کی تاہم اس دوران بیمار مسافر جان کی بازی ہار گیا، پرواز مسقط سے بنگلہ دیش کے شہر چٹاگانگ جا رہی تھی۔
بعد ازاں غیرملکی ایئرلائن کا طیارہ مسافر کی ڈیڈ باڈی لیکرروانہ ہوگئی۔
اس سے قبل 3 اپریل کو کراچی سے ٹورنٹو جانے والے پاکستان انٹرنیشنل ایئرلائنز (پی آئی اے) کے طیارے نے جہاز میں موجود مسافر کی طبیعت بگڑنے پر ناروے کے اوسلو انٹرنیشنل ایئرپورٹ پر ہنگامی لینڈنگ کی تھی۔
پائلٹ کو ہنگامی لینڈنگ کی اجازت دی گئی اور مسافر کو ایمبولینس کے ذریعے ہسپتال منتقل کر دیا گیا تھا۔