17.3 C
Ashburn
بدھ, مئی 22, 2024
اشتہار

کراچی: مبینہ پولیس مقابلے اور سرچ آپریشن 6 ملزمان گرفتار

اشتہار

حیرت انگیز

کراچی: شہر قائد کے مختلف علاقوں میں پولیس نے کارروائیاں کرتے ہوئے جرائم کی وارداتوں میں ملوث 6 ملزمان کو حراست میں لے لیا۔

اے آر وائی نیوز کے مطابق پاک کالونی ندی کنارہ روڈ میں پولیس مقابلے کے دوران فائرنگ کا تبادلہ ہوا اس دوران 2 ملزمان کو زخمی حالت میں گرفتار کرلیا گیا۔

ایس ایس پی کیماڑی کے مطابق ملزمان سے اسلحہ، موبائل فون اور موٹر سائیکل برآمد کرلی گئی ہے، ملزم حارث عرف میجر بدنام زمانہ منشیات فروش ہے، ملزمان اس سے قبل بھی جیل جاچکے ہیں۔

- Advertisement -

مائی کلاچی نالہ کے قریب مبینہ پولیس مقابلہ ہوا، اس دوران فائرنگ کے تبادلے میں 2 زخمی سمیت 3 ڈاکوؤں کو گرفتار کرلیا گیا۔

پولیس ذرائع کے مطابق ملزمان سے 3پستول،7 موبائل فون اور 2 موٹر سائیکلیں برآمد کرلی گئی ہیں، جبکہ ملزمان کی شناخت اسماعیل، سمیر اور عبداللہ کے ناموں سے ہوئی ہے۔

کورنگی صنعتی ایریا میں پولیس مقابلے کے دوران 2 ڈاکوؤں کوزخمی حالت میں گرفتار کرلیا گیا، ڈاکوؤں نے اینٹی انکروچمنٹ سیل کے اہلکار سے لوٹ مارکی کوشش کی تھی۔

کراچی : ڈاکوؤں کی فائرنگ، والدین کا اکلوتا بیٹا مارا گیا

پولیس کے مطابق انکروچمنٹ سیل کے اہلکارکی فائرنگ سے 2 ڈاکو زخمی ہوئے تھے، ڈاکوؤں سے اسلحہ، چھینے ہوئے 3 موبائل برآمد ہوئے، زخمی ڈاکوؤں کی شناخت فاروق اور وقار کے ناموں سے ہوئی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں