تازہ ترین

کراچی : ڈکیتی میں مزاحمت پر دو نوجوان قتل

کراچی : نیو کراچی میں ڈکیتی کے دوران مزاحمت پر فائرنگ سے دو نوجوان جان بحق ہوگئے، پاک کالونی اور دیگر علاقوں میں پولیس نے مقابلے کے بعد چار ڈاکوؤں کو زخمی حالت میں گرفتار کرلیا۔

تفصیلات کے مطابق نیوکراچی کے علاقے شفیق کالونی میں ڈکیتی کیلئے آنے والے ملسح افراد نے مزاحمت کرنے پر فائرنگ کردی جس کے نتیجے میں ادریس نامی شخص شدید زخمی ہوگیا، بعد ازاں ادریس نے زخموں کی تاب نہ لاتے ہوئے اسپتال میں دم توڑ دیا۔

پولیس کے مطابق مقتول نوجوان ادریس نے ڈکیتوں کو موبائل فون دینے سے انکار کر دیا تھا جس کی وجہ سے انہوں نے فائرنگ کی، پولیس حکام کے مطابق ادریس فیکٹری میں ملازمت کرتا تھا اور اس کا آبائی تعلق رحیم یار خان سے تھا.

پاک کالونی گٹر باغیچہ کے علاقے میں بھی نامعلوم افراد نے فائرنگ کرکے ایک شخص کو قتل کردیا ، پولیس کے مطابق مقتول کی شناخت مختیار کے نام سے ہوئی ہے جس کی عمر 19 برس تھی.

ایک اور واقعے میں پاک کالونی کے مشرف پارک میں گشت پر مامور پولیس پارٹی نے موٹرسائیکل سوار3مشتبہ افراد کو روکنے کی کوشش کی جس پر مسلح افراد نے پولیس پر فائرنگ کردی۔

ایس ایس پی کیماڑی نے اے آر وائی نیوز کو بتایا کہ ہولیس کی جوابی فائرنگ سے ایک ملزم زخمی ہوگیا جسے گرفتار کرکے ابتدائی طبی امداد کیلئے اسپتاکل منتقل کردیا گیا ہے، پولیس کے مطابق
ملزمان دوسرے زخمی ساتھی کو لے کر موقع سے فرار ہوگئے۔

دریں اثناء کراچی کے علاقوں فیروز آباد اور سچل میں پولیس مقابلے کے بعد ،3ملزمان زخمی حالت میں گرفتار کرلیے گئے، ایس ایس پی انویسٹی گیشن طارق مستوئی کے مطابق سچل میں گرفتار ملزمان کی شناخت کرکے کرمنل ریکارڈ چیک کیا جارہا ہے۔

پولیس کے مطابق ملزمان سےاسلحہ اورموٹرسائیکل برآمد کرلی گئی، زخمی ملزمان کے2ساتھی فرار ہونے میں کامیاب ہوگئے۔

فیروزآباد میں مبینہ مقابلہ کے بعد ایک ملزم کو زخمی حالت میں گرفتار کیا گیا، گرفتار ملزم کے قبضے سے اسلحہ اور چھینی ہوئی موٹر سائیکل برآمد ہوئی ہے جبکہ دوسرا ملزم فرار ہوگیا۔

 

Comments

- Advertisement -