کراچی : پولیس رواں سال قتل کے 7 کیسز کا معمہ تاحال نہ کرسکی اور قاتل پکڑنے میں ناکام ہیں۔
تفصیلات کے مطابق کراچی پولیس رواں سال قتل کے 7 کیسز کا معمہ حل کرنے میں ناکام ہے ، 17فروری کوشاہ فیصل نمبر1میں ریحان کو قتل کیا گیا لیکن قاتل آزاد ہے۔
اسی دن سرجانی میں اسٹیٹ ایجنسی پر فائرنگ کرنیوالوں کاکچھ پتہ نہ لگ سکا جبکہ 11فروری کو کورنگی نمبر 5 میں قتل ہونیوالے فیضان کے ملزمان بھی آزاد ہیں۔
8 جنوری کو یوسف پلازہ اسٹیشنری شاپ پر دکاندار کی ہلاکت کا کیس حل نہ ہوسکا جبکہ پولیس 9 جنوری کو لیاقت آباد انڈر پاس میں قتل ہونیوالے سید شکیل کے قاتل پکڑنے میں ناکام ہیں۔
10جنوری کو سعود آباد میں مٹھائی کی دکان پر فائرنگ سے 2 افراد کی ہلاکت میں ملوث قاتل تاحال آزاد ہے۔
اسی طرح 23 جنوری کو اصفہانی روڈ پر دکان پر فائرنگ سے 2 افراد کو قتل کرنیوالے قاتل بھی گرفت سے باہر ہیں۔