کراچی: نیشنل ہائی وے کے قریب سرکاری نمبر پلیٹ لگی کار سے 370 کلو چھالیہ برآمد ہوئی ہے جس کے بعد 2 ملزمان کو گرفتار کرلیا گیا۔
کراچی نیشنل ہائی وے شاہ لطیف ٹاؤن کٹ کے قریب پولیس نے خفیہ اطلاع پر کارروائی کرتے ہوئے سرکاری نمبر پلیٹ لگی کار سے 370 کلو چھالیہ برآمد کرلئے ساتھ ہی ملزمان کو گرفتار کرلیا۔
پولیس کے مطابق گرفتار ملزمان کے نام محمد ابرہیم اور حسام بلوچ ہیں، جن میں محمد ابراہیم پولیس اہلکار ہے، ملزمان نے اپنے ابتدائی بیان میں پولیس کو بتایا کہ وہ چھالیہ کی سپلائی دینے گھارو جا رہے تھے۔
- Advertisement -
پولیس کا کہنا ہے کہ ملزمان کے 2 ساتھی جو پولیس اہلکار ہیں وہ موقع سے فرار ہونے میں کامیاب ہوگئے، گرفتار ملزمان اور فرار ساتھی پولیس اہلکاروں کیخلاف شاہ لطیف تھانے میں مقدمہ درج کیا گیا ہے۔
