کراچی : پولیس نے کراچی کی تاریخ کی بڑی کارروائی کرتے ہوئے 1 ارب ڈالر سے زائد مالیت کی منشیات پکڑلی، برآمد کی گئی منشیات کا وزن تقریبا ساڑھے پانچ ٹن ہے۔
تفصیلات کے مطابق یسٹ زون پولیس نے خفیہ اطلاع پر کارروائی کرتے ہوئے منشیات کی بڑی کھیپ پکڑ لی، کارروائی ناردرن بائی پاس کے قریب کی گئی۔
ڈی آئی جی ویسٹ ناصر آفتاب نے بتایا کہ گاڑی کی تلاشی کے دوران منشیات ملی ، گاڑی کے ڈرائیور نے دوران تفتیش منشیات کی بڑی کھیپ کی نشاندہی کی۔
ناصر آفتاب کا کہنا تھا کہ برآمد منشیات کی بین الاقوامی سطح پر مالیت ایک ارب سے زائد بنتی ہے جبکہ منشیات کا وزن تقریبا ساڑھے پانچ ٹن ہے۔ پکڑی گئی کھیپ میں چرس،افیون اورہیروئن شامل
پولیس حکام کا دعویٰ ہے کہ یہ اب تک کی سب سے بڑی پکڑی گئی منشیات کی کھیپ ہے، جس میں چرس،افیون اورہیروئن شامل ہیں۔.
پولیس کا کہنا تھا کہ اس گروہ کے مزید کارندوں کی گرفتاری کی بھی کوششیں کی جا رہی ہے۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔