کراچی: ناظم آباد نمبر 3 میں پولیو ٹیم اور فلیٹ مکین کے درمیان جھگڑا ہوگیا، پولیس نے اسسٹنٹ کمشنر کیساتھ شہری کو حراست میں لےلیا۔
تفصیلات کے مطابق پولیس کا کہنا ہے کہ زیرِحراست شہری موبائل مارکیٹ میں تاجر ہے، مبینہ طور پر پولیو کے قطرے نہ پلانے پر جھگڑا ہوا، اس موقع پر اسسٹنٹ کمشنر پولیس کی بھاری نفری لےکر پہنچا، پولیس اور ضلعی ٹیم نے گھر میں گھس کر شہری اور دیگر کو باہر نکالا۔
پولیس نے بتایا کہ فلیٹ مکینوں نے کئی مرتبہ پولیو قطرے پلانے سے انکار کیا ہے، خاتون ورکر گھر میں گئی تو اس کو زبردستی کمرے میں بٹھالیا گیا
پولیو ٹیم کی شکایت پر اسسٹنٹ کمشنر اور پولیس فلیٹ پر پہنچی تھی، زبردستی دروازہ کھلوا کر پولیو ورکر کو بازیاب کرایا گیا۔
اس حوالے سے پولیس کا مزید کہنا تھا کہ جس شخص کو جھگڑے پر حراست میں لیا گیا ہے اس شخص کے خلاف مقدمہ درج کرکے گرفتار کریں گے، دوسری جانب شہری کا مؤقف ہے کہ پولیو ٹیم کو قطرے پلانے سے روکا نہیں تھا۔
شہری نے بتایا کہ گھروالوں نے کہا تھا کہ ایک بچہ بیمار ہے اس کو خود قطرے پلوا دیں گے، اسسٹنٹ کمشنر گھر کا دروازہ توڑ کر اندر داخل ہوا۔
