The news is by your side.

Advertisement

کراچی : بینک سے رقم لے کر جانے والے دوشہری ڈاکوؤں کی فائرنگ سے جاں بحق

کراچی : کوئٹہ ٹاؤن میں ڈاکوؤں نے دو لاکھ روپے چھیننے کے لئے دو افراد کو قتل کردیا، بینک سے رقم نکلوا کر جانے والے ولی اللہ اور امان اللہ کو ڈکیتی کے دوران مزاحمت پر گولی ماری گئی۔

تفصیلات کے مطابق کراچی میں ڈاکو راج آج بھی قائم ہے، شہریوں کی جان و مال محفوظ نہیں، شہر میں ڈکیتی کی وارداتوں میں دن بہ دن اضافہ ہورہا ہے۔

کراچی کے علاقے کوئٹہ ٹاؤن میں دو شہری ولی اللہ اورامان اللہ بینک سے رقم لے کر جا رہے تھے، ڈاکوؤں نے تعاقب کرتے ہوئے کچھ دور جا کر ان کو زدوکوب کیا اور رقم چھیننے کی کوشش کی، ڈاکوؤں نے ولی اللہ اورامان اللہ کوڈکیتی کے دوران مزاحمت پر گولی ماردی۔

زخمیوں کو طبی امداد کیلئے اسپتال منتقل کیا جارہا تھاکہ انہوں نے اسپتال پہنچنے سے قبل ہی زخموں کی تاب نہ لاتے ہوئے جان دے دی۔

اس حوالے سے ایس ایس پی عرفان بہادر نے صحافیوں کو بتایا کہ دو موٹر سائیکل سوار مسلح افراد شہریوں سے پیسے چھینے کی کوشش کی اور مزاحمت پر فائرنگ کردی۔

گزشتہ روز بھی ڈکیتی کے دوران فائرنگ سے ایک شخص ہلاک اور ایک زخمی ہوا تھا، فائرنگ کے دونوں واقعات میں تیس بور کا پستول استعمال کیا گیا۔

ایس ایس پی عرفان بہادر کا مزید کہنا تھا ٹیکنیکل طریقے سے جائے وقوعہ اور عینی شاہدین کی مدد سے واقعے کی تفتیش کر رہے ہیں بہت جلد ملزمان تک پہنچ جائیں گے۔

Comments

comments

یہ بھی پڑھیں