کراچی: مغربی ہواؤں کے سسٹم کے نتیجے میں ایک بار پھر کراچی کے مختلف علاقوں میں ہلکی وتیز بارش شروع ہوگئی ہے۔
تفصیلات کے مطابق گلشن حدید،اسٹیل ٹاؤن،ایئر پورٹ،ماڈل کالونی، سپرہائی وے، کاٹھور، ایم نائن موٹروے اور گلستان جوہر میں موسلادھار بارش کا سلسلہ شروع ہوگیا ہے۔
اسکے علاوہ ملیر کے مختلف علاقوں سمیت گلزارہجری،یونیورسٹی روڈ و اطراف میں ہلکی بارش کا سلسلہ جاری ہے۔
محکمہ موسمیات کا کہنا ہے کہ بارش برسانےوالا سسٹم سونمیانی (بلوچستان ) سے کراچی کی جانب بڑھ رہا ہے، سسٹم فعال ہونے کی صورت میں کراچی میں گرج چمک کے ساتھ بارش ہوسکتی ہے۔
یہ بھی پڑھیں: کراچی میں بارش کا سلسلہ شروع، موسم خوشگوار
دوسری جانب ملک کے بالائی علاقوں میں تیز بارشوں اور ژالہ باری کے باعث کئی مقامات پر لینڈ سلائیڈنگ ہوئی ہے جس کے نتیجے میں کئی افراد محصور بھی ہوئے۔
ادھر وزیراعظم شہباز شریف نے بارشوں کی صورتحال پر وفاقی وصوبائی اداروں کو الرٹ رہنےکی ہدایت جاری کرتے ہوئے عوام سے احتیاطی تدابیر اپنانے کی اپیل کی ہے۔
وزیر اعظم شہباز شریف نے این ڈی ایم اے، صوبائی ڈیزاسٹرمینجمنٹ اتھارٹیز عوام کی جان ومال کا تحفظ کو یقینی بنائیں۔
