کراچی : شہر قائد میں گیارہویں اوربارہویں جماعت کے کامرس ریگولر اور کامرس پرائیویٹ کے امتحانات شروع ہوگئے۔

تفصیلات کے مطابق اعلیٰ ثانوی تعلیمی بورڈ کراچی کے دوسرے مرحلے کے امتحانات کا آغاز ہوگیا۔

گیارہویں اوربارہویں جماعت کے کامرس ریگولر اور کامرس پرائیویٹ، آرٹس ریگولر اور آرٹس پرائیویٹ کے امتحانات شروع ہوگئے۔

دوسرے مرحلے کے امتحانات کا سلسلہ 2 جولائی تک جاری رہے گا، امتحانات میں صبح اور شام کی شفٹوں میں 82ہزار سے زائد طلبہ و طالبات شرکت کررہے ہیں۔

آج سینکڈ ایئر انگریزی نارمل اور انگریزی ایڈوانس کا پرچہ منعقد ہوگا۔

مزید پڑھیں : میٹرک اور انٹرمیڈیٹ کی اسناد کی تصدیق ، طلبا کے لیے اہم خبر

صبح کی شفٹ 9 بجے سے 12 بجے تک آرٹس ریگولر، آرٹس پرائیویٹ، خصوصی امیدواروں اور ڈپلومہ ان فزیکل ایجوکیشن کے امتحانات ہوں گے ، جس میں 25 ہزار سے زائد طلبہ و طالبات شریک ہورہے ہیں۔

شام کی شفٹ میں دوپہر 2 بجے سے شام 5 بجے تک کامرس ریگولر اور کامرس پرائیویٹ گروپس کے امتحانات ہوں گے، جس میں
57 ہزار سے زائد امیدوار شرکت کررہے ہیں۔

انٹرمیڈیٹ کے سالانہ امتحانات برائے 2025 کے دوسرے مرحلہ میں صبح اور شام کی شفٹوں میں مجموعی طور پر 129 امتحانی مراکز قائم کیے گئے ہیں۔

45امتحانی مراکز صبح کی شفٹ میں جبکہ 84شام کی شفٹ میں بنائے گئے ہیں

صبح اور شام کی شفٹوں میں مجموعی طور پر26 امتحانی مراکز کو انتہائی حساس قرار دیا گیا ہے۔