کراچی: قومی ادارہ برائے صحت اطفال میں خاتون کو ہراساں کرنے کیخلاف شدید احتجاج کیا گیا ، جس پر پولیس نے گارڈ کو حراست میں لے لیا۔
قومی ادارہ برائے صحت اطفال میں سیکیورٹی گارڈ نے خاتون کو لفٹ میں ہراساں کرنے کی کوشش کی خاتون کےشورمچانے پرلوگوں نے گارڈ کی کی خوب دھلائی کردی،
واقعے کیخلاف متاثرہ خاتون کے اہلخانہ نے اسپتال انتظامیہ کے خلاف شدید احتجاج کرتے ہوئے ہنگامہ آرائی کی اور اسپتال کا واک تھرو گیٹ اور شیشے توڑ دئیے۔
پولیس نے جائے وقوعہ پر پہنچ کر نجی کمپنی کے سیکیورٹی گارڈ شعیب کو حراست میں لے لیا۔ گارڈ کا بیان بھی قلمبند کر لیاگیا۔
پولیس کا کہنا ہے کہ مقدمہ اس صورت میں درج ہوگا جب متاثرہ خاتون بطور مدعی ایف آئی آر درج کرائےگی۔
