کراچی : شہرقائد کے مختلف علاقوں میں پولیس اور رینجرز نے کارروائیاں کرتے ہوئے 7 ملزمان کو گرفتار کرکے اسلحہ برآمد کرلیا۔
تفصیلات کے مطابق کراچی میں ماڑی پور پولیس نے کارروائی کرتے ہوئے اٹھارہ ہزار کلو چھالیا برآمد کرکے ملزم کو گرفتار کرلیا۔
پولیس حکام کے مطابق ملزم سے برآمد ہونے والی چھالیا کی قیمت لاکھوں روپے بتائی جاتی ہے۔
دوسری جانب کراچی کے علاقے ڈاکس سلطان آباد، مچھر کالونی، پاپوش نگر اور قائد آباد میں پولیس نے کارروائیاں کرتے ہوئے 6 ملزمان کو گرفتار کیا۔
پولیس حکام کے مطابق ملزمان سے اسلحہ، ہیروئن، چرس، مسروقہ موٹرسائیکل برآمد ہوئی ہے۔
ادھر کراچی کے مختلف علاقوں لائنزایریا پریڈی اسٹریٹ ، دھوبی گھاٹ، پارکنگ پلازہ ، شہاب الدین مارکیٹ کے اطراف میں رینجرز نے سرچ آپریشن کیا۔
رینجرز آپریشن میں بیس سے زائد رینجرز کی گاڑیاں اور موٹر سائیکلیں شامل رہیں، آپریشن میں مشکوک افراد اور مشکوک گھروں کی تلاشی لی گئی۔
سرچ آپریشن میں بائیومیٹرک مشین اور شناختی کارڈ کے ذریعے مشکوک افراد کو چیک کیا گیا، آپریشن چہلم کے جلوس اور کراچی میں امن وامان کے حوالے سے کیا گیا۔
کراچی: مختلف علاقوں میں پولیس کی کارروائیاں‘ 4 ملزمان گرفتار
یاد رہے کہ گزشتہ روز کراچی کے مختلف علاقوں میں پولیس نے کارروائیوں کے دوران 4 ملزمان کو گرفتار کرکے اسلحہ برآمد کیا تھا۔
