کراچی: شہر قائد میں خاتون کو ہراساں کرنے والے ملزم کا خاکہ پولیس نے تیار کر لیا۔
تفصیلات کے مطابق کراچی کے علاقے گلستان جوہر میں خاتون کو ہراساں کرنے والے ملزم کا خاکہ تفتیشی ٹیم نے تیار کر لیا ہے، تفتیشی حکام کا کہنا ہے کہ یہ خاکہ 60 فی صد تک ملزم سے مشابہت رکھتا ہے۔
تفتیشی حکام کے مطابق اسکیچ میں ملزم کے قد سمیت دیگر تفصیلات ہیں، خاکے کی مدد سے ملزم کی گرفتاری کی کوششیں تیز کر دی گئی ہیں، تاہم تاحال کسی بھی شخص نے ملزم کو شناخت نہیں کیا۔
کراچی : لڑکی کو ہراساں کرنے والے اوباش نوجوان کون تھا ؟ پولیس کے لئے ایک چیلنج
تفتیشی حکام کا کہنا ہے کہ گزشتہ روز شہریوں نے 3 افراد کی نشان دہی کی تھی، تینوں افراد سے تفتیش کی گئی لیکن تفتیش کے بعد انھیں رہا کر دیا گیا، نیز، واقعے سے متعلق اب تک 300 افراد کے بیانات قلم بند کیے جا چکے ہیں۔
