کراچی : چند گھنٹوں میں تیزرفتار ڈمپروں نے دو موٹر سائیکل سواروں کو کچل ڈالا جبکہ نامعلوم گاڑی کی ٹکر سے ایک موٹر سائیکل سوار جاں بحق ہوا۔
تفصیلات کے مطابق کراچی میں بے قابو ٹریفک نے چند گھنٹوں میں تین موٹرسائیکل سواروں کی جان لے لی۔
کیماڑی گیٹ نمبر ایک کے قریب نامعلوم گاڑی کی ٹکر سے موٹر سائیکل سوار جاں بحق ہوگیا، جوہر موڑ اور لیاقت آباد میں بھی ڈمپرز کی ٹکر سے دو موٹرسائیکل سوار جاں بحق ہوگئے۔
جوہر موڑ پرشہریوں نےڈمپرکوآگ لگادی تاہم پولیس نےڈمپرڈرائیورکوگرفتارکرلیا، عینی شاہد نے بتایا موٹرسائیکل سوار سوزوکی کی ٹکر سے سڑک پرگرا اور پیچھے سے آنے والے ڈمپر کی زدمیں آیا۔
لیاقت آباد میں جاں بحق شخص کو شناخت حیدرقریشی کے نام سے ہوئی، پولیس نےلیاقت آبادحادثےمیں ملوث ڈمپر ڈرائیوکو بھی گرفتار کرلیا۔
اہلخانہ نے بتایا کہ متوفی ویلڈنگ کا کام کرتا تھا ، جاب سےواپس گھرجاتےہوئےلیاقت آبادکےمقام پرحادثہ پیش آیا، متوفی شادی شدہ اور ایک بچے کاباپ تھا جبکہ 3 بھائیوں اور 2 بہنوں میں سب سے چھوٹا اور کورنگی کارہائشی تھا۔
