ایس ایس پی سینٹرل ذیشان شفیق صدیقی نے شاہراہِ نور جہاں پر اہلکار کی بدتمیزی کا شکار ہونیوالے پھل فروش کو دفتر بلالیا۔
گزشتہ روز شارع نور جہاں پر پولیس اہلکاروں کی قلندریہ چوک کے قریب ٹھیلے سے مفت خربوزہ لینے اور ٹھیلے والے کو مغلظات اور سنگین نتائج کی دھمکیاں دینے کی ویڈیو سوشل میڈیا پر وائرل ہوئی تھی۔
واقعے کی ویڈیو سوشل میڈیا پروائرل ہونے کے بعد ایس ایس پی سینٹرل ذیشان شفیق صدیقی نے شارع نور جہاں تھانے کی پولیس موبائل میں سوار چاروں اہلکاروں کو معطل کردیا تھا۔
تاہم اب ایس ایس پی سینٹرل ذیشان شفیق صدیقی نے پھل فروش کو دفتر بلالیا، ایس ایس پی سینٹرل نے پھل فروش کو گلدستہ بھی دیا اور واقعے کی مکمل تفصیلات معلوم کیں۔
ایس ایس پی سینٹرل ذیشان شفیق صدیقی نے کہا کہ پولیس اہلکاروں کیخلاف کارروائی سے متعلق پھل فروش کو آگاہ کیا، اچھے برے لوگ ہر جگہ ہوتے ہیں، یہ اہلکاروں کا انفرادی عمل تھا۔
ذیشان شفیق نے فل فروش کو یقین دہانی کرائی کے سندھ پولیس آپ کے ساتھ کھڑی ہے۔
