کراچی: شہر قائد کے علاقے اورنگی ٹاؤن اقبال مارکیٹ میں سیاسی جماعت کے عہدیدار کے قتل کے مرکزی ملزم کو گرفتار کرلیا گیا۔
تفصیلات کے مطابق پولیس چیف جاویدعالم اوڈھو نے بتایا ہے کہ اورنگی اقبال مارکیٹ سے سیاسی جماعت کے عہدیدار کے قتل کے مرکزی ملزم کو گرفتار کرلیا ہے۔
پولیس چیف جاوید عالم اوڈھو نے نے کہا کہ گرفتار ملزم امجد حسین کی ٹارگٹ کلنگ میں براہ راست ملوث ہے، گرفتار ملزم نے دوران تفتیش قتل کا اعتراف کرلیا۔
کراچی میں فائرنگ سے پیپلزپارٹی کا عہدیدار جاں بحق، مقتول کو 10 گولیاں ماری گئیں
اورنگی ٹاؤن میں سیاسی جماعت کے عہدیدار کے قتل کا مقدمہ درج، ابتدائی رپورٹ تیار
پولیس چیف جاوید عالم اوڈھو نے بتایا کہ 10 گولیاں فائر کی گئی تھیں، واقعہ کس بنا پر پیش آیا تحقیقات کر رہے ہیں، ملزم کی نشاندہی پر دیگر ساتھیوں کی گرفتاری کے لیے چھاپے جاری ہیں۔
کراچی پولیس چیف نے مزید کہا کہ رواں سال سیاسی ٹارگٹ کلنگ کا یہ پہلا کیس تھا جسے پولیس نے کم وقت میں حل کرلیا، گرفتار مرکزی ملزم کا نام انوار عرف مونا ہے جس سے اہم انکشافات متوقع ہیں۔
