کراچی میں منوڑہ جزیرہ کے قریب پکنک منانے والے 3 دوست ڈوب کر جاں بحق ہوگئے۔
تفصیلات کے مطابق واقعہ پی این ایس ہمالیہ کے قریب پیش آیا جہاں نہاتے ہوئے تین نوجوان بے رحم موجوں کی نذر ہوگئے۔
اطلاع ملنے پر رفاحی ادارے کے غوطہ خور پہنچ گئے اور رضاکاروں نے تینوں لاشوں کو سمندر سے نکال کرسول اسپتال منتقل کردیا۔
ڈوبنے والے نوجوانوں کی شناخت ملہار ، مہران خان اور فہد کے نام سے ہوئی ہے ،تینوں دوست ایک دوسرے کو بچاتے ہوئے ڈوبے۔
پولیس نے ضابطے کی کارروائی کے بعد لاشوں کو ورثاء کے حوالے کردیا ہے۔ متوفی فہد کے بھائی نے بتایا تینوں دوست مورو سے پکنک منانے آئے تھے اور ان کی لاشوں کو مورو منتقل کیا جارہاہے۔
