کراچی میں منگھو پیر ناردن بائی پاس پر کار اور ٹرک میں تصادم کے نتیجے میں دو افراد جاں بحق ایک شدید زخمی ہوگیا۔
ریسکیو حکام کے مطابق زخمی شحص کا نام عباس جبکہ جابحق افراد کی شناخت نہیں ہو سکی ہے، حادثہ پاکستان ہوٹل کے قریب پیش آیا پولیس اور ریسکیو ٹیم موقع پر پہنچ گئی۔
ریسکیو حکام کا کہنا ہے کہ حادثے کے نتیجے میں کار مکمل طور پر تباہ ہو گئی، ٹرک کے اوپر بوریاں بھری ہوئی تھی، حادثے کے بعد کار کے مختلف پارٹس سڑک پر دور تک بکھر گئے۔
- Advertisement -
تصادم کے دوران ٹرک کے اگلے حصے کو بھی شدید نقصان پہنچا ہے جبکہ یہ حادثہ تیز رفتاری کے باعث پیش آیا۔
واضح رہے کہ پولیس کے مطابق رواں برس 15 دسمبر تک شہر میں 500 سے زائد روڈ حادثات رپورٹ ہوئے، جن میں 525 اموات رپورٹ ہوئیں اور مرنے والے 57 فیصد موٹرسائیکل سوار تھے۔
