کرا چی : شہر قائد کے بیشتر علاقوں میں زندگی معمول کے مطابق رواں دواں ہے،سڑکوں پر دوڑتی گاڑیاں اور کھلے تجارتی مراکزمعمول کی سرگرمیوں کی نشاندہی کررہے ہیں۔
تفصیلات کے مطابق ایم کیو ایم رابطہ کمیٹی کے یوم سوگ کی اپیل پر شہری زندگی معمول کے مطابق ہے،کراچی کے بیشتر علاقوں میں زندگی رواں دواں ہے۔ شہر کے مختلف کاروباری مراکز میں تجارتی سرگرمیاں جاری ہیں۔
سڑکوں پر پبلک ٹرانسپورٹ بھی معمول کے مطابق چل رہی ہے اور سی این جی اسٹیشنز اور پیٹرول پمپس بھی کھلے ہیں، عوام کاکہناہے رینجرز کے اقدامات سےشہر کی روشنیاں لوٹ رہی ہیں۔
تعلیمی اداروں،دفاتر اور فیکٹریوں میں حاضری معمول کے مطابق ہے۔رینجرز جوان اور پولیس اہلکار حالات پر کڑی نظر رکھےہوئےہیں۔
شہر کے مختلف علاقوں میں رینجرز اور پولیس کا گشت جاری ہے جن علاقوں میں صورتحال کشیدہ ہونے کے خدشات موجود ہیں ۔ ان علاقوں میں رینجرز اورپولیس کی اضافی نفری کو تعینات کیا گیا ہے ۔
کسی بھی نا خوشگوار واقعہ سے نمٹنے کیلئےپولیس اور رینجرز کی اضافی نفری تعینات ہے۔, حیدرآباد، سکھر سمیت اندرون سندھ میں بھی مارکیٹیں کھلی اور ٹریفک معمول کے مطابق ہے۔
