کراچی: شہر قائد میں ٹریفک پولیس افسر کی رشوت وصول کرنے کی ویڈیو منظر عام پر آنے کے بعد اسے معطل کردیا گیا۔
اے آر وائی نیوز کےنمائندے نذیر شاہ کے مطابق یہ واقعہ واٹر پمپ کے علاقے میں پیش آیا جہاں ٹریفک پولیس کے افسر نے ایک تیزرفتار بس کو روکا جس میں مسافروں کو چھت پر بھی بٹھایا ہوا تھا۔
بس کے ڈرائیور اور کنڈیکٹر اترے اور افسر سے بات چیت شروع کی جب پر ٹریفک پولیس افسر نے ٹریفک قوانین کی خلاف ورزی کی شقیں بتانی شروع کردیں جس پر اور چالان اور جرمانے کی رقم بھی بتائی۔
بعدازاں دونوں نے ٹریفک پولیس کے افسر کے ہاتھ پر 200 روپے رکھے تو افسر کا غصہ ایک دم ختم ہوگیا اور تمام خلاف ورزیاں جائز ہوگئیں۔
بس میں بیٹھے ایک شہری نے بس کے ٹوٹے ہوئے شیشے سے پوری ویڈیو بنا کر سوشل میڈیا پر وائرل کردی جس میں مزید دیکھا جاسکتا ہے کہ افسر نے رقم وصولی کے بعد چالان بک بائیک کے ڈبے میں ڈالی اور چلا گیا۔
ٹریفک پولیس افسر معطل
ویڈیو سوشل میڈیا پر وائرل ہونے اور بعدازاں میڈیا پر آنے کے بعد ٹریفک پولیس افسر کو معطل کردیا گیا۔
