کراچی : ٹریفک پولیس نے پی ایس ایل کرکٹ میچز کے دوسرے مرحلے کے لیے نیا روٹ پلان مرتب کرلیا۔
تفصیلات کے مطابق پی ایس ایل کرکٹ میچز کے دوسرے مرحلے کا کراچی میں آغاز ہورہا ہے، کراچی ٹریفک پولیس نے نیا روٹ پلان مرتب کرلیا اور کہا سڑکیں کھلی رہیں گی۔
ٹریفک پولیس کا کہنا ہے کہ ایکسپو سینٹرکو بھی پارکنگ کے لئے مختص کرنے کا فیصلہ کیا ہے ، شہری ایکسپو سینٹرسے شٹل سروس کے ذریعے اسٹیڈیم جاسکیں گے۔
نیپا، لیاقت آباد اور پی پی چورنگی سے ہیوی ٹریفک کا داخلہ حسن اسکوائر سے بند ہوگا جبکہ کارساز روڈ سے اسٹیڈیم اور ملینیم مال سے اسٹیڈیم ہیوی ٹریفک کی اجازت نہیں ہوگی۔
کراچی میں 9 مارچ سے18مارچ تک پی ایس ایل سیزن 9 کے میچز کھیلے جائیں گے۔
خیال رہے ایچ بی ایل پی ایس ایل سیزن نائن کا سب سے بڑا اور اہم مقابلہ آج ہوگا، جس میں روایتی حریف کراچی کنگزاور لاہور قلندرز نیشنل اسٹیڈیم میں ٹکرائیں گے، میگاایونٹ میں رہنے کیلئے کنگز کوہرصورت جیتنا ہوگا۔
