کراچی : ایم اے جناح روڈ پر تیز رفتار بس کی ٹکر سے 2 موٹر سائیکل سوار جاں بحق ہوگئے تاہم ڈرائیور موقع سے فرار ہوگیا۔
تفصیلات کے مطابق کراچی میں ایم اے جناح روڈ پرتیز رفتار بس نے دوموٹرسائیکل سواروں کوکچل دیا، دونوں نوجوانوں کی لاشوں کو اسپتال منتقل کر دیا گیا ہے۔
حادثے میں جاں بحق افراد کی شناخت دانش اور ثناء اللہ کے ناموں سے ہوئی، دانش ایچ ایم نامی کمپنی میں اسسٹنٹ ایکسپورٹ منیجرتھا،، حادثے میں جاں بحق ثناء اللہ نجی بینک میں ملازمت کرتا تھا۔
اہل خانہ کے مطابق دانش آج موٹر سائیکل سوار سے لفٹ لیکردفتر جارہا تھا کہ ایم اے جناح روڈ موبائل مارکیٹ کے کٹ پر حادثہ پیش آیا۔۔
پولیس نے بس کو پریڈی تھانے منتقل کرکے ڈرائیور کی گرفتاری کے لیے کوششیں شروع کردی ہیں۔
نذیر شاہ کراچی میں اے آر وائی نیوز سے وابستہ نمائندہ خصوصی ہیں، وہ 16 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔