کراچی : شہر قائد میں بینک سے نکلنے والے شہریوں کو لوٹنے والے 2 ملزمان کو گرفتار کرلیا گیا اور لوٹی ہوئی 8 لاکھ 45 ہزار نقد رقم بھی برآمد کرلی گئی۔
تفصیلات کے مطابق کراچی میں گورنگی انڈسٹریل ایریا پولیس نے خفیہ اطلاع پرکارروائی کرتے ہوئے بینک سے نکلنے والے شہریوں کو لوٹنے والے 2 ملزمان کو گرفتار کرلیا۔
ایس ایس پی کورنگی توحیدرحمان نے بتایا کہ ، ملزمان سے لوٹی ہوئی 8 لاکھ 45 ہزار نقد رقم برآمد کرلی گئی ہے، ملزمان میں فرقان اور یشوا الیاس عرف سونوشامل ہیں۔
ملزمان سے 2 پستول، چھینی گئی موٹر سائیکل بھی برآمد کیا گیا ہے ، ملزمان نے 13 ستمبر کو زمان ٹاؤن کے علاقے میں واردات کی۔
،ایس ایس پی کورنگی کا کہنا تھا کہ ملزمان شہری سے9لاکھ کی رقم چھین کرفرارہوگئےتھے، واردات کی سی سی ٹی وی فوٹیج بھی منظرعام پرآئی تھی تاہم گرفتار ملزمان سے مزید تفتیش کا عمل جاری ہے۔
