کراچی : کورنگی میں ڈاکوؤں کی فائرنگ2سال کی حورین چل بسی ، ڈکیتی مزاحمت پر ملزمان نے فائرنگ کی تو گولی گھر کے اندربچی کو جالگی۔
تفصیلات کےمطابق کراچی میں ڈاکو بے لگام ہوگئے اور عوام گھروں میں بھی محفوظ نہیں ، کورنگی چار نمبر میں ڈکیتی مزاحمت پر ڈاکؤں نے فائرنگ کردی، گولی لگنے سے گھر میں موجود دو سالہ حورین جاں بحق ہوگئی۔
حورین کے چچا نے بتایا بڑے بھائی آفس سے گھرآئے اور گیٹ پر اپنی نئی موٹرسائیکل روکی تو تین نقاب پوش ڈاکو پہنچ گئے، موٹرسائیکل چھیننے کے دوران ڈاکوؤں نے گیٹ پردو فائر کیے، فائرنگ سے ایک گولی گھر میں حورین کو لگی جبکہ دوسری سے بچی کی پھوپھو زخمی ہوگئی تاہم بچی موقع پر دم توڑ گئی اور ڈاکو بھائی سے موٹرسائیکل چھین کر فرار ہوگئے۔
پولیس نے سی سی ٹی وی فوٹیج کی مدد سے قاتلوں کی تلاش شروع کر دی ، رواں برس شہر میں پچیس سے زائد شہری لوٹ مار کے دوران قتل ہوچکے ہیں جبکہ پولیس بیشترملزمان کو گرفتار کرنےمیں ناکام رہی۔
کراچی کے علاقے کورنگی نمبر 4 میں اسٹریٹ کرمنلز کی فائرنگ سے جاں بحق ہونے والی 2 سالہ حورین کی کی نمازجنازہ ورنگی انتظار شہید مسجد میں ادا کردی گئی ہے، نمازجنازہ میں عزیز واقارب اوراہل علاقہ کی بڑی تعداد شریک ہوئے۔
