کراچی : نامعلوم افراد نے پیٹرول ڈال کر ایک اور واٹر ٹینکر کو آگ لگا دی تاہم ڈرائیور نے واٹر ٹینکر سے چھلانگ لگا کر جان بچائی۔
تفصیلات کے مطابق کراچی میں ٹریفک حادثات کے بعد نامعلوم افراد کی جانب سے بغیر کسی وجہ گاڑیوں کو اگ لگانے کا سلسلہ شروع ہو گیا۔
سرجانی ٹاؤن عبداللہ موڑ کے قریب نامعلوم افراد نے واٹر ٹینکر کو آگ لگا دی ، موٹر سائیکل سوار 3 نامعلوم افراد نے واٹر ٹینکر کو روکا اور پیٹرول ڈال کے آگ لگائی۔
ڈرائیور نے ٹینکر سے چھلانگ لگا کر جان بچائی تاہم واقعے کی اطلاع ملتے ہی پولیس کی بھری نفری جائے وقوع پہنچ گئی ہے۔
مزید پڑھیں : کراچی : لانڈھی اور کورنگی میں نامعلوم افراد نے 2 ٹرکوں کو آگ لگا دی
کراچی پولیس چیف جاوید عالم اوڈھو نے ہیوی گاڑیوں کوآگ لگانے کا نوٹس لیتے ہوئے کہا کہ کسی کی املاک کونقصان پہنچانےکی اجازت نہیں دیں گے ، گاڑیاں جلانےوالے10سے زائدافراد کو گرفتارکیاہے، گرفتارملزمان کیخلاف دہشتگردی ایکٹ کےتحت مقدمہ ہوگا۔
یاد رہے آج صبح سات بجے سے ابتک چار ہیوی گاڑیوں کو آگ لگائی جا چکی ہے، پولیس کا کہنا تھا کہ لانڈھی ، کورنگی اور الکرم اسکوائر پر تین مال بردار ٹرکوں کو آگ لگائی گئی، لانڈھی میں جس ٹرک کو جلایا گیا اس پر چینی کی بوریاں اور عوامی کالونی میں جس ٹرک کو نقصان پہنچایا گیا اس پر سیمنٹ کی چادریں تھیں۔
