کراچی: پی آئی بی پولیس نے حساس ادارے کے ہمراہ بلوچ پاڑہ سے بھتہ خوری میں ملوث انتہائی مطلوب دہشتگرد کو گرفتار کرلیا۔
تفصیلات کے مطابق پی آئی بی پولیس نے حساس ادارے کے ہمراہ پرانی سبزی منڈی بلوچ پاڑہ میں چھاپہ مار کارروائی کی، اس دوران بھتہ خوری میں ملوث 3 انتہائی مطلوب دہشتگرد کو گرفتار کرلیا گیا۔
ایس ایس پی ایسٹ عرفان بہادر نے بتایا کہ چھاپے کے دوران ملزمان سے 2 ہینڈگرنیڈ 1 آٹومیٹک رائفل، دو نائن ایم ایم پستول اور گولیاں برآمد کرلی گئی، ملزمان بھتہ نا دینے پر تاجروں پر گولیاں چلاتے ہیں۔
ایس ایس پی ایسٹ نے بتایا کہ گرفتار ملزمان میں بلال، عاقب اور محبوب شامل ہیں، بھتہ خور گینگ کو ایران سے بیٹھ کر آپریٹ کیا جاتا ہے ان انتہائی مطلوب دہشتگردوں کا نیٹ ورک ایران اور حب میں ہے۔
عرفان بہادر نے بتایا کہ گینگ سرغنہ سلیم چاکلیٹی اور عظیم چاکلیٹی کا نام ریڈ بک میں بھی ہے، بھتہ خوری کا ٹاسک حب میں موجود اقبال لنگڑا کو دیا جاتا ہے جس کے بعد اقبال لنگڑا ملزمان کے ساتھ ملکر بھتہ وصولی کرتا تھا۔
ایس ایس پی ایسٹ نے مزید بتایا کہ تاجر نے بھتے کا فون ملنے پر پی آئی بی پولیس سے رابطہ کیا جس کے بعد حساس ادارے کیساتھ بلوچ پاڑہ میں مشترکہ کارروائی کی گئی۔
