The news is by your side.

Advertisement

کراچی میں آج بھی موسم گرم رہنے کا امکان

کراچی: صوبہ سندھ کے دارالحکومت کراچی میں آج بھی موسم گرم رہے گا، دوپہر تک درجہ حرارت 34 ڈگری سینٹی گریڈ تک جانے کا امکان ہے۔

تفصیلات کے مطابق محکمہ موسمیات کا کہنا ہے کہ شہر قائد میں موسم آج بھی گرم اور مرطوب رہے گا، کراچی کا موجودہ درجہ حرارت 29 ڈگری سینٹی گریڈ ہے۔

محکمہ موسمیات کے مطابق دوپہر تک درجہ حرارت 34 ڈگری سینٹی گریڈ تک ہونے کا امکان ہے۔ ہوا میں نمی کا تناسب 72 فیصد ہے۔

محکمہ موسمیات کا کہنا ہے کہ ہوا کی رفتار 12 کلو میٹر فی گھنٹہ ہے۔

خیال رہے کہ اس سے قبل اکتوبر کے آغاز پر کراچی میں کہیں پر تیز اور کہیں ہلکی بارشیں ہوئی تھیں جن کے بعد موسم میں ہلکی سی خنکی آگئی تھی۔

دو روز تک موسم خوشگوار رہنے کے بعد گزشتہ روز سے شہر قائد میں پھر سے درجہ حرارت گرم دیکھا جارہا ہے۔

محکمہ موسمیات کا کہنا ہے کہ جمعہ کے روز ملک کے اکثر علاقوں میں موسم خشک جبکہ شمالی علاقہ جات میں موسم سرد رہنے کا امکان ہے۔

محکمہ موسمیات کی رپورٹ کے مطابق بالائی خیبر پختونخواہ اور کشمیر کے اضلاع میں بعض مقامات پر گرج چمک کے ساتھ ہلکی بارش کا امکان ہے۔ علاوہ ازیں وفاقی دارالحکومت اسلام آباد میں موسم خشک رہے گا۔

Comments

comments

یہ بھی پڑھیں