کراچی: محکمہ موسمیات کا کہنا ہے کہ آج کراچی میں زیادہ سے زیادہ درجہ حرارت 34 ڈگری تک جانے کا امکان ہے۔
تفصیلات کے مطابق کراچی میں آج موسم جزوی ابرآلود رہنے کا امکان ہے، شہر کا زیادہ سے زیادہ درجہ حرارت 34 ڈگری تک جانے کا امکان ہے۔
محکمہ موسمیات کے مطابق کراچی میں صبح درجہ حرارت 29 ڈگری سینٹی گریڈ ریکارڈ کیا گیا، ہوا میں نمی کا تناسب 60 فیصد ریکارڈ کیا گیا جبکہ جنوب مشرق سے ہوا 18 ناٹیکل مائل کی رفتارسے چل رہی ہے۔
دوسری جانب لاہور کے مختلف علاقوں میں بارش سے موسم خوشگوار ہوگیا ہے، محکمہ موسمیات کے مطابق ایئر پورٹ اوراطراف میں 26 ملی میٹر بارش ریکارڈ کی گئی۔
محکمہ موسمیات کا کہنا ہے کہ اگلے 4 روز ملک کے بالائی علاقوں میں آندھی کے ساتھ بارشوں کی پیش گوئی کی گئی ہے، بارشوں سے پہاڑی علاقوں میں لینڈ سلائیڈنگ، ندی نالوں میں طغیانی کا خطرہ ہے۔
محکمہ موسمیات کے مطابق گزشتہ 24 گھنٹوں کے دوران راولپنڈی، گوجرانوالہ، لاہور، فیصل آباد، سرگودھا، ڈویژن، اسلام آباد، مالاکنڈ، ژوب اور قلات میں آندھی اور گرج چمک کے ساتھ بارش ہوئی اور ملک کے دیگر علاقوں میں موسم گرم اور مرطوب رہا۔
