کراچی: شہر قائد کے علاقے سائٹ ایریا میں قرض کا تقاضا کرنے پر نوجوان کو قتل کردیا گیا، پولیس نے ملزم کو گرفتار کرلیا.
نمائندہ اے آروائی نیوز کے مطابق کراچی کے علاقے سائٹ ایریا میںنوجوان کو قتل کرنے والے ملزم کو گرفتار کرلیا گیا، ملزم اویس نے قرضکا تقاضا کرنے پر عمیر پر فائرنگ کرکے اس کی جان لے لی. پولیس نے ملزم کو گرفتار کرکے قتل کی دفعات کے تحت مقدمہ درج کرلیا۔
ایس ایس پی کے مطابق ملزم سے واردات میں استعمال ہونے والا پستول برآمد کرلیا گیا ہے، مقتول نے ملزم اویس کو 2 لاکھ روپے ادھار دئیے تھے، مقتول عمیر رقم کا بار بار تقاضا کررہا تھا.
ملزم نے پولیس کو دئیے گئے بیان میںبتایا کہ عمیر کی رقم نہیںدے سکتا تھا اس لیے اس سے جان چھڑانے کے لیے فائرنگ کرکے اسے قتل کیا.
واضح رہے کہ کراچی کے علاقے سائٹ نورس چورنگی کے قریب مقتول نوجوان اویس قادری کو فائرنگ کرکے قتل کردیا گیا تھا اور ملزم فرار ہونے میں کامیاب ہوگیا تھا تاہم پولیس نے بروقت کارروائی کرتے ہوئے ملزم کو حراست میں لیا۔
مقتول کی لاش پوسٹ مارٹم کے لیے اسپتال منتقل کردیا گیا ، پولیس کا کہنا ہے کہ پوسٹ مارٹم رپورٹ منظر عام پر آنے کے بعد ملزم سے مزید تفتیش کرنے کے بعد اسے عدالت میں پیش کیا جائے گا۔
واضح رہے کہ شہر میں جاری لاک ڈاؤن کے باوجود ملزم آزاد ہیں اس سے قبل کراچی کے علاقے گلشن اقبال میں گھر کے باہر کھڑے نوجوان کو لوٹ لیا گیا تھا جس کی سی سی ٹی وی فوٹیج منظر عام پر آگئی تھی، ، ویڈیو میں دکھایا گیا تھا کہ دو دوست گھر کے باہر کھڑے تھے کہ ملزمان موٹر سائیکل پر آئے اس دوران ایک دوست نے بھاگ کر اپنی جان بچائی جبکہ دوسرا دوست گھر کی دہلیز پر لٹ گیا۔