کیرتھر تلنگا ڈیم کے قریب ڈاکوؤں نے کراچی کے بائیکر نوجوانوں کو ناکہ لگا کر لوٹ لیا۔
اے آر وائی نیوز کی رپورٹ کے مطابق ڈاکوؤں نے حمزہ ہاشم نامی نوجوان سمیت متعدد افراد کو لوٹا۔ ناکہ لگا کر لوٹ مار کا واقعہ کیرتھر رینج کے قریب پیش آیا۔
کراچی کے بائیکر حمزہ ہاشم کے خفیہ کیمرے نے سارا منظر ریکارڈ کرلیا۔ کیمرے میں ملزمان کو بڑے ہتھیاروں کے ساتھ دیکھا جا سکتا ہے۔
ملزمان نے حمزہ ہاشم سے موبائل فون اور رقم چھینی جبکہ عقب میں آنے والے تمام افراد کو بھی باری باری لوٹا جاتا رہا۔
متاثرہ نوجوان نے ویڈیو سوشل میڈیا پر پوسٹ کر دی۔
