ممبئی: بھارتی میڈیا کے مطابق سیف علی خان نے اس بات کی تصدیق کردی کہ کرینہ کپور حاملہ ہیں اور ان کے ہاں پہلے بچے کی پیدائش دسمبر میں متوقع ہے۔سیف علی خان اور کرینہ کپور کے پہلے بچے کے حوالے سے کافی قیاس آرائیاں کی جارہی تھیں۔
سیف علی خان نے میڈیا کے سامنے اپنے ایک بیان میں اب اس بات کی تصدیق کردی۔یہ سیف علی خان کی تیسری جبکہ کرینہ کپور کی پہلی اولاد ہوگی، اس سے قبل سیف علی خان کا ایک بیٹا ابراہیم اور ایک بیٹی سارہ ہیں جو کہ ان کی سابقہ اہلیہ بالی ووڈ اداکارہ امرتا سنگھ سے ہیں۔
رپورٹ کے مطابق کرینہ کپور کی تازہ ترین فلم ‘اڑتا پنجاب’ 17 جون کو نمائش کیلئے پیش کی گئی ہے، جس کے بعد انہوں نے اپنی اگلی فلم ‘ویرے دی شادی’ کی شوٹنگ کی تاریخ بھی آگے بڑھادی ہے۔کرینہ کپور خان ستمبر کے مہینے سے بالی ووڈ سے مکمل بریک لے لیں گی۔
واضح رہے کہ 45 سالہ سیف علی خان اور 35 سالہ کرینہ کپور 2012 میں جیون ساتھی بنے تھے، سیف علی خان اور کرینہ نے ایک ساتھ کئی فلموں میں بھی کام کیا جن میں ٹشن، ایجنٹ ونود، قربان وغیرہ شامل ہیں۔
