پاکستان شوبز انڈسٹری کی ابھرتی ہوئی خوبرو اداکارہ، ماڈل و انفلوئنسر کشف علی نے پاکستانی کرکٹ اسٹار صائم ایوب کے ہمراہ وائرل ویڈیو پر خاموشی توڑ دی ہے۔
خوبرو اداکارہ، ماڈل و انفلوئنسر کشف علی نے فوٹو اینڈ ویڈیو شیئرنگ پلیٹ فارم انسٹاگرام پر انسٹا اسٹوری شیئر کی ہے۔
کشف نے اس انسٹا اسٹوری میں سوشل میڈیا پر گردش کرنے والی افواہوں پر تفصیلی بیان جاری کرتے ہوئے افواہیں پھیلانے والوں کو آڑے ہاتھوں لے لیا۔
کشف کا اپنے ویڈیو پیغام میں کہنا تھا کہ ہمارے ملک میں بے شمار مسائل ہیں جن کے بارے میں بات کی جاسکتی ہے، مگر نہیں، ہمارا میڈیا ان کے بارے میں بات نہیں کرتا بلکہ بے بنیاد چیزوں کو خبر بنا کر پیش کرتا ہے اور ہمارے عوام بھی اس میں دلچسپی لیتے ہیں۔
کشف کا کہنا تھا کہ ایک عام سی ویڈیو کو لے کر ہر ایک نے مسئلہ بنا دیا ہے، اس ویڈیو میں موجود شخص کو آپ نہیں جانتے، جیسے آپ مجھے نہیں جانتے، یہ میرے لیے کافی مضحکہ خیز ہے، اس کا کیا کر سکتے ہیں؟ یہ ہمارے ملک کا نظام اور لوگوں کی عادت ہے۔
یاد رہے کہ گھٹنے کی انجری کے سبب پاکستان کے جارح مزاج بلے باز صائم ایوب اور ماڈل کشف علی مغربی لندن میں ایک ساتھ دکھائی دیے تھے۔
صائم ایوب کی لندن سے ماڈل کشف علی کے ہمراہ ویڈیو وائرل
سوشل میڈیا پر ان کی ویڈیو وائرل ہوئی تو بیشتر سوشل میڈیا صارفین نے ان کی ڈیٹنگ کے حوالے سے جھوٹی افواہیں پھیلانا شروع کردیں۔
پاکستان کے 22 سالہ کرکٹر صائم ایوب آج کل ٹخنے میں لگنے والی چوٹ کے علاج کے سبب لندن میں موجود ہیں، جہاں وہ دوبارہ صحت یاب ہو رہے ہیں۔
