The news is by your side.

Advertisement

کشمیریوں کے واٹس ایپ اکاؤنٹ بند کر دئیے گئے

سری نگر : مقبوضہ وادی میں انٹرنیٹ کی مسلسل بندش کے باعث کشمیریوں کے واٹس ایپ اکاؤنٹ بند کر دئیے گئے ، پالیسی کے تحت 120دنوں تک غیر فعال رہنے والے اکاﺅنٹس خود بخودبند ہوجاتے ہیں۔

تفصیلات کے مطابق مقبوضہ کشمیرمیں قابض بھارتی فوج کی جارحیت جاری ہے، لاک ڈاؤن اور پابندیاں 124 ویں روز بھی برقرار ہے ، جس کے باعث کشمیریوں کوشدید مشکلات کا سامنا ہے، اب تک مقامی معیشت کو ایک ارب ڈالر کا نقصان ہوچکا ہے جبکہ ہزاروں لوگ بے روزگار ہوچکے ہیں۔

مقبوضہ علاقے میں پری پیڈ موبائل فون ، ایس ایم ایس اورانٹرنیٹ سروسزکی بدستور معطلی کی وجہ سے لوگوں کا اپنے گردونواح سے بھی رابطہ منقطع ہو گیا ہے۔

مقبوضہ وادی میں انٹرنیٹ کی مسلسل بندش کے باعث ہزاروں کشمیریوں کے واٹس ایپ اکاﺅنٹس بند ہوگئے ہیں ، کشمیریوں کے اکاﺅنٹس فیس بک کی پالیسی کے تحت بند ہوئے، پالیسی کے تحت 120دنوں تک غیر فعال رہنے والے اکاﺅنٹس خود بخودبند ہوجاتے ہیں۔

مزید پڑھیں : کشمیری نوجوانوں کی بڑی تعداد عالمی اداروں میں نوکریوں سے فارغ

کشمیرمیڈیا سروس کے مطابق نمازجمعہ کی ادائیگی سے روکنے کے لئے سری نگرکی جامع مسجد سیل کردیا گیا ہے ،کشمیری مسلسل18ہفتےسےنمازجمعہ کی ادائیگی سےمحروم ہیں آج مختلف علاقوں میں بھارتی مظالم کیخلاف احتجاج کیا جائے گا۔

شدید سردی میں بجلی کی فراہمی معطل ہونے اورکھانے پینے کی اشیا اوردواؤں کی قلت سے مقبوضہ وادی میں صورتحال سنگین ہوگئی ہے جبکہ کاروباری مراکز،تعلیمی ادارے اوردکانیں بندہیں اور ٹرانسپورٹ بھی معطل ہے جبکہ کشمیری رہنما بھی بدستورقید اورنظربند ہیں۔

یاد رہے رپورٹ کے مطابق نومبر میں قابض بھارتی فوجیوں نے گھروں پر چھاپے مار کر 60 کشمیریوں کو گرفتار کیا گیا اور محاصروں کے دوران 3 گھروں کو تباہ بھی کیا گیا۔

Comments

comments

یہ بھی پڑھیں