سسرال سے متعلق سوال پر کترینہ کیف کا دلچسپ جواب وائرل

بالی ووڈ کی اداکارہ کترینہ کیف نے مداح کو سسرال سے متعلق سوال پر دلچسپ جواب دیا جو سوشل میڈیا پر ٹرینڈ کررہا ہے۔

بالی ووڈ کی اداکارہ کترینہ کیف نے اپنے مداحوں کے لیے انسٹاگرام پر سوال و جواب کا سیشن کیا، اس سیشن میں فلم میری کرسمس کی اداکارہ نے اپنی ذاتی زندگی سے متعلق بھی جوابات دیے۔

مداح کے سوال پر ان کا ایک جواب سوشل میڈیا پر بہت زیادہ ٹرینڈ کر رہا ہے، مداح نے کترینہ سے پوچھا کہ ’ آپ کو پنجاب کی بہو ہوتے ہوئے سب سے زیادہ کیا پسند ہے؟

جس پر اداکارہ کترینہ نے جواب میں لکھا کہ ’ مجھے ڈھیر سارا پیار اور گھر کا بنا ہوا سرسو کا ساگ اور مکئی کی روٹی سفید مکھن کے ساتھ بہت پسند ہے‘۔

اداکارہ کترینہ کیف نے ساگ اور مکی کی روٹی سے بھری پلیٹ کی تصویر بھی شیئر کی ہے، خیال رہے کہ کترینہ کیف اور وکی کوشل کی شادی 2021 میں 9 دسمبر کو راجستھان میں ہوئی تھی۔

Comments