آپ یقیناً اپنے اہل خانہ کو روزانہ کچھ نیا اور مزیدار کھلانا چاہتی ہوں گی اسی لیے ہم آج آپ کو کھانے کا لطف دوبالا کرنے کے لیے کباب کری بنانے کی نہایت آسان ترکیب بتا رہے ہیں۔

کباب بنانے کے اجزا

بکرے کا قیمہ: 1 کلو

سونف پاؤڈر: 3 چائے کے چمچ

ادرک پاؤڈر: ڈیڑھ چائے کا چمچ

لال مرچ پاؤڈر: ڈیڑھ چائے کا چمچ

بڑی الائچی: 6 عدد

کوکنگ آئل: ڈیڑھ کھانے کا چمچ

کری بنانے کے اجزا

دہی: 5 کھانے کے چمچ

کوکنگ آئل: کھانے کے چمچ

پسا ہوا گرم مصالحہ: 2 چائے کے چمچ

لونگ: 8 عدد

دار چینی: 2 انچ کا ٹکڑا

ٹماٹر: 4 عدد

ٹماٹر کا پیسٹ: 1 کھانے کا چمچ

لال مرچ پاؤڈر: 2 کھانے کے چمچ

ادرک پاؤڈر: 2 چائے کے چمچ

نمک: حسب ذائقہ

ہرا دھنیہ: حسب ضرورت

ترکیب

قیمے کو 2 بار فوڈ پروسیسر میں چلائیں یا مشن سے چلا کر نکالیں تاکہ مزید باریک ہو جائے۔

اب بڑی الائچی کو پیس کر کباب کے باقی مصالحوں کے ساتھ ملا کر قیمے میں اچھی طرح مکس کرلیں۔

اب اس میں تیل، نمک اور انڈہ ڈال کر اچھی طرح ملا لیں۔

ہاتھوں کو گیلا کرکے تیار شدہ مکسچر سے تین انچ لمبے اور گول کباب بنا کر رکھ لیں۔

کری بنانے کے لیے دہی کو پھینٹ لیں۔

ایک بڑے سائز کے پین میں تیل گرم کر کے لونگ اور دار چینی کو 1 منٹ تک فرائی کریں۔

پھر ٹماٹر شامل کر کے خشک ہونے تک پکائیں۔

اب اس میں ٹماٹر کا پیسٹ اور دہی ملا کر چلائیں تاکہ دہی کے گولے نہ بننے پائیں۔

سونف اور ادرک پاؤڈر شامل کر کے 5 منٹ تک درمیانی آنچ پر پکائیں۔

پھر اس میں تقریباً 5 کپ گرم پانی شامل کر کے ابال لیں۔

آنچ ہلکی کر کے پہلے سے بنائے ہوئے کباب آہستہ سے گریوی میں شامل کریں اور تقریباً 20 منٹ تک پکنے دیں۔

اس دوران چمچ بالکل نہ چلائیں۔ اگر چلانے کی ضرورت ہو تو کپڑے سے برتن کو ہلا لیں تاکہ کباب نہ ٹوٹنے پائیں۔

جب تیل اوپر آجائے تو چولہا بند کر کے گرم مصالحہ اور ہرا دھنیہ ڈالیں۔

کباب کری کا منفرد پکوان تیار ہے۔ گرم گرم روٹی یا سادہ چاولوں کے ساتھ پیش کریں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔