کراچی : خادم حسین رند کو ایڈیشنل آئی جی کراچی تعینات کر دیا گیا، خادم حسین رند کو جاوید اختر اوڈھو کی جگہ تعینات کیا گیا ہے۔
تفصیلات کے مطابق نگران صوبائی حکومت نے سندھ میں تقرریاں و تبادلے کردیئے اور خادم حسین رند کو ایڈیشنل آئی جی کراچی تعینات کر دیا گیا۔
اس حوالے سے چیف سیکرٹری سندھ نے نوٹیفکیشن جاری کر دیا، جس میں کہا گیا ہے کہ نوٹس کے مطابق خادم حسین رند کو جاوید اختر اوڈھو کی جگہ کراچی کا نیا اے آئی جی تعینات کیا گیا ہے اور جاوید عالم اوڈھو کو ایس این جی ڈی رپورٹ کرنے کی ہدایت کی گئی ہے۔
اس کے علاوہ شکیل احمد چیئرمین پی اینڈ ڈی، زاہد عباسی سینئر میمبر آف ریونیو تعینات کیا گیا ہے جبکہ منظور احمد شیخ سیکریٹری بلدیات، فیاض عباسی سیکریٹری توانائی تعینات، سلیم راجپوت کمشنرکراچی، خالدحیدرشاہ کمشنر حیدرآباد ، سجاد حیدرکمشنرنوابشاہ اور ذوالفقارشاہ کو کمشنرسکھر تعینات کردیا گیا۔
خیال رہے کہ 19 اگست کو سندھ کے انسپکٹرجنرل (آئی جی) غلام نبی میمن کو تبدیل کرکے ان کی جگہ حکومت پنجاب میں فرائض انجام دینے والے پولیس سروس کے گریڈ-21 کے افسر رفعت مختار کو نیا آئی جی تعینات کردیا گیا تھا۔
