خیرپور: صوبہ سندھ کے ضلع خیرپور کی انتظامیہ نے ترقیاتی فنڈز کے 70 کروڑ رقم پر پندرہ دنوں میں ہاتھ صاف کر لیے۔
تفصیلات کے مطابق خیرپور کی ضلعی انتظامیہ نے ترقیاتی فنڈز کے 70 کروڑ سے زائد کی رقم نکال لی، ضلعی انتظامیہ نے ترقیاتی فنڈز کی رقم سے 15 دنوں میں ہاتھ صاف کر لیے۔
اے آر وائی نیوز نے رقم ریلیز کرنے کے دستاویزات حاصل کر لیے، ترقیاتی فنڈز کے ریلیز آرڈر پر ڈپٹی کمشنر شرجیل نور چنہ کے دستخط موجود ہیں، دستاویزات کے مطابق جن منصوبوں کی مد میں رقم نکالی گئی ہے ان میں سافٹ پیور، ڈرینیج اسکیم، اور سی سی بلاکس شامل ہیں، جن کا تعلق ضلع کے مختلف علاقوں سے ہے۔