خیرپور : گھر میں صندوق سے 3 بچوں کی لاشیں ملنے کے واقعے کا مقدمہ درج کرلیا گیا، مقدمے میں خاتون سمیت 4 افراد کو نامزد کیا گیا ہے۔
تفصیلات کے مطابق خیرپور میں گوٹھ وڈاسمنگ میں گھر میں صندوق سے3 بچوں کی لاشیں ملنے کا مقدمہ درج کرلیا گیا ، ایس ایچ او انورعلی ابڑو نے بتایا کہ بی سیکشن تھانےمیں قتل اوردیگر دفعات کےتحت مقدمہ درج کیا گیا ہے ، مقدمےمیں خاتون سمیت4افرادکونامزدکیا گیا۔
انورعلی ابڑو کا کہنا تھا کہ مقدمہ جاں بحق بچوں کےوالدشاہنوازشیخ نےدرج کرایا، شاہنوازشیخ نے مقدمےمیں دشمنی پربچوں کو قتل کرنے کا مؤقف اختیار کیا۔
ایس ایچ او نے کہا کہ نامزد ملزمان کی گرفتاری کے لیے چھاپے ماررہےہیں، ملزمان کو جلد گرفتار کر کے عدالت میں پیش کیاجائےگا۔
پولیس حکام نے بتایا کہ ڈاکٹرز نے ابتدائی میڈیکل رپورٹ میں بچوں پر تشدد کاکہاہے تاہم حتمی میڈیکل رپورٹ آنے پر تمام حقائق سامنےآئیں گے۔
یاد رہے خیرپور میں 4 روز قبل گوٹھ وڈاسمنگ میں گھر کے صندوق سے 3 بچوں کی لاشیں ملی تھیں۔
