خیرپور: بچوں کی غیراخلاقی ویڈیو بنانے والے استاد سارنگ شر کو پولیس نے گرفتار کرلیا، استاد کے روپ میں موجود یہ بھیڑیا بچوں کو اپنی درندگی کا نشانہ بناتا رہا۔
تفصیلات کے مطابق خیر پور کے علاقے تھڑی میرواہ میں ٹیوشن پڑھانے والے انسان نما جانور استاد کو پولیس نے گرفتار کرلیا، ملزم سارنگ شر کو ایس ایچ او ٹھری میرواہ کے حوالے کیا گیا ہے۔
اس حوالے سے ایس ایس پی خیرپور امیر مسعود مگسی نے اے آر وائی نیوز کے نمائندے نوید کھوڑو سے گفتگو کرتے ہوئے بتایا کہ بچوں کی غیراخلاقی ویڈیو بنانے والا استاد سارنگ گرفتار کرلیا گیا ہے، ملزم کو کیفر کردار پر پہنچائیں گے۔
اس ملزم کے گھناؤنے عمل نے اساتذہ کے سر شرم سے جھکا دیئے، ملزم سارنگ شر بچوں کو ٹیوشن پڑھاتا اور اپنے ذاتی کمرے میں لےجا کر ان کو زیادتی کا نشانہ بنا کر ان کی ویڈیو بھی بناتا تھا بعد میں طلبا اور ان کے والدین کو غیر اخلاقی ویڈیو وائرل کرنے کی دھمکی دے کر پیسے بھی بٹورتا تھا۔
واقعہ کی تفصیلات سامنے آنے کے بعد ملزم فرار ہو گیا تھا جبکہ پولیس نے مبینہ طور پر معاملے کو دبانے کی کوشش کی، اس حوالے سے ذرائع کا کہنا ہے کہ پولیس نے2 لاکھ روپے مبینہ رشوت لے کر ملزم کو بھاگنے میں مدد کی اور بچوں کے اہلخانہ سے معاملہ رفع دفع کرنے کے لیے بھی دباؤ ڈالا جا رہا ہے۔
Khairpur Police takes immediate action on an incident of sodomy against two students in Thari Mirwah. Registered FIR and arrested the main culprit Sarang Shar within 24hrs. IGP appreciates the efforts and announces reward of Rs. 200k for the team. pic.twitter.com/Uqjkeu9LUi
— Sindh Police (@sindhpolicedmc) July 17, 2020
ذرائع کے مطابق ملزم سارنگ شر پچھلے ایک سال سے ٹیوشن سنٹر میں130 کے قریب طلبا کو پڑھاتا ملزم بچوں کے حقوق کے لیے آواز اٹھانے والی مقامی یونین کا رہنما بھی تھا اور مختلف ریلیوں میں تقاریر بھی کرتا تھا۔
استاد کے روپ میں موجود یہ بھیڑیا بچوں کو اپنی درندگی کا نشانہ بناتا رہا، مقامی پولیس اسٹیشن کا ایس ایچ او بچوں کے اہل خانہ کو اس معاملے سے پیچھے ہٹنے کے لیے دباؤ ڈال رہا ہے۔