کوئٹہ : مشتاق رئیسانی کرپشن کیس میں نیب حکام نے سابق مشیر خزانہ بلوچستان خالد لانگو کو دوسرا سمن جاری کردیا۔ حاضرہونے کے دعوے کرنے والے سابق مشیر خزانہ بلوچستان آج بھی غائب رہے۔
تفصیلات کے مطابق سیکرٹری خزانہ مشتاق رئیسانی کے گھرسے کروڑوں کی برآمدگی پر مشیر خزانہ بھی مشکوک ٹھہرے، عدالت نے خالد لانگو کو طلب کرلیا، طلبی کے باوجود خالد لانگوغائب ہیں۔
مذکورہ سابق مشیرخزانہ پہلےسمن پرنہ آئے تو نیب نے دوسرا سمن جاری کردیا،اب بھی نہ آئے تومزید ایک سمن کے بعد وارنٹ گرفتاری جاری ہونگے۔
بعض اطلاعات کے مطابق بلوچستان کےسابق مشیرخزانہ چپکے سے اپنے آبائی علاقےمیں پہنچ گئے ہیں۔
یاد رہے نیب نے گزشتہ جمعہ کے روز ایک کارروائی کے دوران مشتاق احمد رئیسانی کو اُن کے دفتر سے گرفتار کے تمام ریکارڈ اپنی تحویل میں لے لیا تھا۔
اُسی شب اُن کے گھر سے63 کرورڑ روپے اور بڑی مقدار میں سونا برآمد کیا تھا جس کے بعد نیب نے ملزم کو عدالت میں پیش کر کے 14روزہ ریمانڈ حاصل کر لیا تھا۔
کرپشن کے ہائی پروفائل کیس کے انکشاف کے بعد گزشتہ روز سابق وزیر اعلیٰ بلوچستان ڈاکٹرعبدالمالک بلوچ نے بھی خود کو تحقیقات کے لیے پیش کردیا ہے.
