اسلام آباد: وزیر دفاع خواجہ آصف نے تصدیق کی ہے کہ لندن میں شہباز شریف اور نواز شریف کے درمیان ملاقات میں نئے آرمی چیف کی تعیناتی پر مشاورت ہوئی ہے۔
خواجہ آصف نے ٹوئٹر پر جاری اپنے بیان میں بتایا کہ میڈیا میں قیاس آرائی ہے کہ نواز شریف اور شہباز کے مابین میٹنگ میں نئے آرمی چیف پر فیصلہ ہوا۔
وزیر دفاع نے بتایا کہ ملاقات میں نئے آرمی چیف کی تعیناتی پر مشاورت ضرور ہوئی ہے، آرمی چیف کا فیصلہ آئینی عمل کے آغاز کے بعد مشاورت سے ہوگا۔
میڈیا میں قیاس آرائی ھو رہی ھے کہ لندن میں نواز شہباز میٹنگ میں آرمی چیف کی تقرری کے حوالے سے کو ئ فیصلہ ھوا ھے. اس سلسلے میں مشاورت ضرور ھوئ ھے لیکن فیصلہ انشاءاللہ آئینی عمل کے آغاز کے بعد مشاورت سے ھو گا.
— Khawaja M. Asif (@KhawajaMAsif) November 11, 2022
یاد رہے کہ وزیر اعظم شہباز شریف نے لندن میں وطن واپسی سے قبل نواز شریف سے چوتھی بار ملاقات کی۔
ملاقات سے واپسی پر شہباز شریف کا کہنا تھا کہ آرمی چیف کی تعیناتی آئینی معاملہ ہے اور آئین کے مطابق طے ہوگا۔
