اتوار, مئی 26, 2024
اشتہار

9 مئی کو ایک شخص نے اقتدار کیلیے وطن کی اساس پر حملہ کیا، خواجہ آصف

اشتہار

حیرت انگیز

وزیر دفاع خواجہ آصف کا کہنا ہے کہ 9 مئی کو ایک شخص نے اقتدار کے حصول کے لیے اپنے گروہ کے ساتھ وطن عزیز کی اساس پر حملہ کیا۔

اے آر وائی نیوز کے مطابق وزیر دفاع خواجہ آصف نے ویڈیو بیان میں کہا کہ اس روز جو کچھ کیا گیا ایسا ہمارے دشمن ملک بھی نہیں سوچ سکتے، عسکری تنصیبات پر حملے کرنے والے کے چہرے قوم کے ذہنوں پر نقش ہیں۔

خواجہ آصف کا کہنا ہے کہ پاک فوج کی تنصیبات اور شہداء کی یادگاروں کو نشانہ بنایا گیا، ایک سوچے سجھے منصوبے پر عمل کیا گیا، اس کا تصور دنیا کے کسی بھی ملک میں کسی بھی حالات میں نہیں کیا جاسکتا۔

- Advertisement -

وزیر دفاع کا مزید کہنا تھا کہ 9 مئی کے منصوبہ سازوں اور اس پر عمل کرنے والوں کی قوم شناخت کرتی ہے، ان کے چہرے پاکستانی عوام کی یاداشت پر نقش ہیں، ان کے نعرے اور للکاروں کی صدا بازگشت آج بھی ہمیں اس افسوس ناک دن کی یاد دلاتی ہے۔

انہوں نے کہا کہ ان کرداروں کی سزا کا فیصلہ آئین اور قانون کرے گا، بحثیت قوم آئیں آج عہد کریں کسی شخص یا گروہ کو پاک سرزمین کی آبرو کو پامال نہیں کرنے دیں گے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں