اسلام آباد : پی آٹی ٹی کے رہنما عثمان ڈار نے الزام عائد کیا ہے کہ مسلم لیگ ن کے خواجہ آصف وفاقی وزیر ہونے کے ساتھ دبئی کمپنی کے ملازم بھی ہیں۔
تفصیلات کے مطابق وزیر اعظم کے بعد وزیر دفاع خواجہ آصف کا اقامہ بھی منظر عام پر آگیا، سیالکوٹ سے خواجہ آصف کے حلقے سے پی ٹی آئی کے امید وار عثمان ڈار نے سماجی رابطے کی ویب سائٹ ٹوئٹر پر خواجہ آصف کے اقامے کی کاپی جاری کردی، جس کے مطابق خواجہ آصف بھی دبئی کی کمپنی میں ملازم ہیں۔
سیالکوٹ کا درباری خواجہ بھی اقامے والا نکلا۔ ہور اقامے لوّوٗ؟ pic.twitter.com/ghxZY4jtL3
— Usman Dar (@UdarOfficial) July 25, 2017
خواجہ آصف وفاقی وزیر ہونے کے ساتھ دبئی کپمنی کے ملازم نکلے’ خواجہ آصف نے بھی اقامے سے حاصل آمدنی الیکشن کمیشن گوشواروں میں شامل نہیں کی
— Usman Dar (@UdarOfficial) July 25, 2017
پی آٹی ٹی کے رہنما عثمان ڈار کا کہنا ہے کہ خواجہ آصف سے متعلق حیرت انگیز انکشافات سامنے آئے ہیں، آرٹیکل63،62کےتحت خواجہ آصف کو بھی گھر بھیجیں گے، اقامہ ان کمپنیوں سے لیا گیا، جنہیں پروجیکٹ کی مد میں فائدہ دیا گیا۔
آرٹیکل 62, 63 کے تحت خواجہ آصف کو بھی گھر بھیجیں گے, پاکستان میں کرپشن کی لوٹ سیل لگانے والے باہر نوکریاں کر رہے ہیں
— Usman Dar (@UdarOfficial) July 25, 2017
عثمان ڈار نے کہا کہ اقامہ کرپشن کرکے ملک سے بھاگنے کا چور راستہ رکھا گیا، پاکستان میں کرپشن کی لوٹ سیل لگانے والے باہر نوکریاں کررہے ہیں، عمران خان کا اقامہ نکلتا نون لیگ آسمان سر پر اٹھا چکی ہوتی، عمران خان کا اقامہ نہیں کیونکہ ایک ایک پیسہ ملک میں ہے۔
خواجہ آصف نواز شریف کا فرنٹ مین ہے’ نجکاری اور پانی و بجلی کی وزارت میں اربوں روپے کی کرپشن میں ملوث رہا’ اقامے کے مزید ثبوت سامنے لاوٗں گا pic.twitter.com/58PlFr9ZAE
— Usman Dar (@UdarOfficial) July 25, 2017
انھوں نے مزید کہا کہ خواجہ آصف سے متعلق جو دستاویزات ملی ہیں وہ حیران کن ہیں۔
دوسری جانب وزیر دفاع خواجہ آصف کا کہنا ہے کہ میں نےاقامہ 27سال سے الیکشن کمیشن اور ایف بی آر میں ڈکلیئر کیا ہوا ہے، 1983 سے بینکنگ چینلز کے ذریعے پیسہ وصول کرتا ہوں، ابو ظہبی میں1983سے بینک اکاؤنٹ بھی موجود ہے۔
مزید پڑھیں : نوازشریف وزیراعظم ہونے کے ساتھ غیر ملکی کمپنی کے ملازم بھی نکلے
یاد رہے اس سے قبل پاناما جے آئی ٹی نے اپنی رپورٹ میں انکشاف کیا تھا کہ وزیراعظم دبئی کی کمپنی کے ملازم تھے، جس کے لیے دبئی کی لاء فرم نے بھی وزیراعظم نوازشریف کے کیپٹل ایف زیڈ ای کمپنی میں ملازم ہونے کے دستاویزات کی تصدیق کی تھی۔